تركيب ألعاب خارجية لمدرسة في طويق، الرياض

ملعب المدرسة المفروض يعطي الأطفال أكثر من نشاط، ويخليهم يتحركون ويلعبون بدون ما تكون المساحة زحمة أو صعبة في المتابعة. وهذا كان الهدف الأساسي من مشروع تركيب ألعاب خارجية لمدرسة في طويق، الرياض اللي نفذته مؤسسة اي بازا العاب الحدائق.

في هذا المشروع جهزنا منطقة ألعاب خارجية فيها أكثر من نشاط في نفس المكان، مثل التسلق، الزحاليق، والمراجيح والحركة. الملعب النهائي فيه هيكل ألعاب مرتفع، أكثر من نوع من الزحاليق، مجموعة مراجيح بعدة مقاعد، ونشاط للتسلق، وكلها مركبة فوق العشب الصناعي.

بدل ما نحط الألعاب بشكل عشوائي، رتبناها بطريقة تخلي الطفل ينتقل من نشاط نشاط بسهولة. يقدر يطلع للمنصة الرئيسية، يختار أكثر من زحليقة، يروح للمراجيح أو يستخدم لعبة التسلق القريبة. بهذه الطريقة استفدنا من مساحة المدرسة بشكل أفضل وخليّنا الحركة داخل الملعب أوضح وأسهل.

ولو عندك مدرسة أو حضانة وتفكر في مشروع مشابه، تقدر تشوف دليلنا عن تركيب ألعاب المدارس والحضانات في السعودية، وفيه أهم الأشياء اللي لازم تنتبه لها عند اختيار الألعاب، ترتيب المساحة وتجهيز منطقة اللعب للاستخدام اليومي.

نطاق العمل: كيف جهزنا الملعب

في البداية شوفنا مساحة الموقع الخارجية، وبعدها خططنا مكان كل لعبة حسب حركة الأطفال وقت الفسحة والاستخدام اليومي.

حطينا مجموعة الألعاب الرئيسية في وسط المنطقة لأنها تعتبر الجزء الأساسي في الملعب. ومن حولها رتبنا الزحاليق باتجاهات مختلفة، عشان الأطفال يكون عندهم أكثر من خيار للنزول.

المراجيح ركبناها على جنب، وما حطيناها قدام مخارج الزحاليق. هذا أعطى مساحة مستقلة لحركة المراجيح وخلى مسار الأطفال أوضح.

شغلنا في الموقع شمل:

• تحديد أفضل مكان لمجموعة الألعاب داخل ساحة المدرسة
• تركيب وتثبيت المنصات والأعمدة
• تركيب الدرج والدرابزين
• تركيب وربط الزحاليق بالهيكل الرئيسي
• تركيب هيكل المراجيح والمقاعد
• وضع لعبة التسلق بجانب منطقة اللعب الرئيسية
• التأكد من المسافات بين الألعاب
• ضبط وضع الألعاب فوق العشب الصناعي
• فحص التثبيت والربط بعد الانتهاء

هدفنا كان نسوي منطقة لعب متكاملة، كل لعبة فيها لها مكان واضح، والأطفال يقدرون يتحركون بينها بدون ما تتداخل الأنشطة مع بعض.

الألعاب التي تم تركيبها

مشروع مدرسة طويق يحتوي على مجموعة ألعاب تعطي الأطفال أكثر من طريقة للحركة واللعب.

مجموعة ألعاب متعددة المستويات

الهيكل الرئيسي فيه منصات مرتفعة، درج، حواجز حماية وأكثر من نشاط مرتبط مع بعض. وهو يعتبر نقطة البداية للوصول إلى الزحاليق المختلفة.

زحليقة أنبوب مغلقة

تم تركيب زحليقة أنبوب مغلقة من المنصة المرتفعة إلى الأرض. وتعطي الطفل تجربة مختلفة عن الزحاليق المفتوحة وتزيد تنوع اللعب.

زحليقة حلزونية

الزحليقة الحلزونية تعطي الطفل مسار نزول دائري بدل النزول المباشر، وتضيف حركة مختلفة داخل نفس مجموعة الألعاب.

زحليقة مستقيمة

الزحليقة المستقيمة تعطي الأطفال نزول سريع وبسيط من المنصة المرتفعة.

زحليقة مزدوجة

الزحليقة المزدوجة تسمح لطفلين يستخدمونها في نفس الوقت، وهذا مناسب جداً وقت الفسحة لما يكون أكثر من طفل داخل الملعب.

درج مع درابزين

الدرج الرئيسي يعطي الأطفال طريق واضح وآمن للصعود إلى المنصات المرتفعة.

مجموعة مراجيح بعدة مقاعد

الملعب فيه مجموعة مراجيح بعدة مقاعد، عشان أكثر من طفل يقدر يلعب في نفس الوقت.

لعبة تسلق

تم تركيب لعبة تسلق بجانب المراجيح، وتعطي الأطفال نشاط إضافي يعتمد على الحركة والتوازن واستخدام اليدين والرجلين.

أشكال ديكورية للملعب

استخدمنا أشكال ملونة وديكورات مثل الأشجار والعناصر الجانبية عشان يكون شكل الملعب مناسب للأطفال ويعطي إحساس مرح داخل ساحة المدرسة.

وش أضاف هذا الملعب للمدرسة؟

ميزة المشروع مو بس في عدد الألعاب، لكن في طريقة ترتيبها وربطها مع بعض داخل نفس المساحة.

أكثر من نشاط في نفس المكان: الطفل يقدر يتسلق، ينزلق، يستخدم المرجيحة أو يلعب على لعبة التسلق بدون ما يحتاج ينتقل لمنطقة ثانية.

أنواع مختلفة من الزحاليق: وجود زحليقة أنبوب، زحليقة حلزونية، زحليقة مستقيمة وزحليقة مزدوجة يعطي الطفل خيارات أكثر.

يشجع الأطفال على الحركة: الدرج، التسلق، المراجيح والزحاليق تخلي الطفل يتحرك ويلعب بدل الجلوس لفترة طويلة.

استفادة أفضل من مساحة المدرسة: جمع أكثر من نشاط داخل مجموعة ألعاب واحدة يساعد على استغلال المكان بشكل عملي.

مناسب لعدة أطفال في نفس الوقت: وجود أكثر من زحليقة وأكثر من مقعد مرجيحة يخلي الملعب مناسب للاستخدام وقت الفسحة.

أسهل في المتابعة: ترتيب الألعاب بشكل مفتوح وواضح يساعد المعلمين والمشرفين على متابعة الأطفال من أكثر من جهة.

يعطي الساحة جو أجمل: الألوان، تنوع الألعاب وشكل التصميم يخلي منطقة اللعب أكثر حيوية ومناسبة للأطفال.

تفكر في ملعب مشابه؟

هذا النوع من الألعاب ينفع للمدارس، والحضانات، الفلل، المجمعات السكنية، حدائق المنازل، الحدائق العامة وأي مساحة داخلية أو خارجية.

اختيار الألعاب وترتيبها يعتمد على مساحة الموقع، عمر الأطفال وعدد المستخدمين.

إذا كنت تخطط لتجهيز منطقة ألعاب جديدة، تواصل مع فريق مؤسسة اي بازا العاب الحدائق وأرسل لنا موقع المشروع، أبعاد المساحة ونوع الألعاب اللي تحتاجها. نقدر نساعدك في اختيار الألعاب، ترتيب الموقع وتنفيذ التركيب بطريقة تخلي المكان عملي، مرتب وممتع للأطفال.